India rama hospital tha zual leh damlote tana him tehna, National Quality Assurance Standard (NQAS) hmanga endik an nih hnuin Ni 12th September 2023 khan Thingsulthliah Primary Health Centre(PHC) chu NQAS Certificate pek an ni.

Thingsulthliah hi Aizawl East District hnuaia mi a ni a, Medical Officer, Dr. Thanmawii hovin hah leh rim takin an thawk thin a, chhun leh zan pawh sawi lovin rim takin staff te zawng zawng in in luangrual tlang takin hna an thawk ho thin a ni. 

Kan District chhunga hetiang certified theih kan nei hi kan chhuang takzet a, kan lawmpui em em bawk a, an ni bakah hian Aizawl District hnuaiah hian ITI UPHC hi conditional Certified an lo ni tawh bawk a ni.